خبرنامہ انٹرنیشنل

لندن ۔ 15 اکتوبر (اے پی پی) برطانوی وزیر بریگزٹ ڈیوڈ ڈیوس نے کہا ہے کہ ان کی حکومت یورپی یونین سے اخراج کے معاملے میں کسی بھی قسم کی تاخیر اور تعطل کے خلاف ہے۔برگزٹ کے وزیر ڈیوڈ ڈیوس کا کہنا تھا کہ حکومت برطانیہ ، یورپی یونین سے اخراج کے معاملے میں کسی بھی قسم کی تاخیر اور تعطل کو ہر گز قبول نہیں کرے گی۔دارالعوام میں بیان دیتے ہوئے ان کا کہنا تھا کہ حکومت ریفرنڈم کے نتائج کو منسوخ کرنے اور یورپی یونین سے برطانیہ کے اخراج کے عمل کو روکنے کی غرض سے کی جانے والی ہر کوشش کو سختی ساتھ مسترد کر دے گی۔ ڈیوڈ ڈیوس نے کہا کہ وہ چور دروازے سے برطانیہ کو یورپی یونین میں باقی رکھنے کے بھی مخالف ہیں۔اس سے قبل برطانوی وزیراعظم تھریسا مے نے یورپی یونین سے برطانیہ کے اخراج کے پروگرام کا اعلان کرتے ہوئے کہا تھا یہ عمل باضابطہ طور پر مارچ 2017ء سے شروع ہو جائے گا۔