خبرنامہ پاکستان

اوورسیز پاکستانیوں کو ووٹ کا حق، درخواستیں سماعت کیلئے مقرر

اسلام آباد: (ملت آن لائن) سپریم کورٹ نے بیرون ملک مقیم پاکستانیوں کو ووٹ کی سہولت دینے کیلئے 16 درخواستیں 10 جنوری کو سماعت کیلئے مقرر کر دی ہیں۔ چیف جسٹس میاں ثاقب نثار نے تارکین وطن کو ووٹ کی سہولت دینے سے متعلق درخواستوں پر سماعت کیلیے بینچ تشکیل دے دیا ہے۔ چیف جسٹس تین رکنی بینچ کی سربراہی خود کریں گے جبکہ دیگر جج صاحبان میں جسٹس مشیر عالم اور جسٹس سجاد علی شاہ شامل ہونگے۔ عدالت عظمیٰ کا تین رکنی بینچ 16 درخواستوں پر سماعت 10 جنوری کو کرے گا۔ شریف خاندان کی شوگر ملوں کی اپیلوں پرسماعت بھی 10 جنوری کو ہوگی، ان اپیلوں پر سماعت بھی چیف جسٹس کی سربراہی میں تین رکنی بینچ کرے گا۔

………………………………

اس خبر کو بھی پڑھیے…صادق آباد کے 25 سالہ سجاد کیلئے دلہنیا جاپان سے پاکستان پہنچ گئی

صادق آباد: (ملت آن لائن) فیس بک کی دوستی رنگ لے آئی، صادق آباد کے 25 سالہ سجاد کیلئے دلہنیا جاپان سے پاکستان پہنچ گئی اور گھر بسا لیا۔ سچ کہتے ہیں جوڑے آسمانوں پر بنتے ہیں اور جب بات ہو دوستی سے محبت کی تو پھر رنگ نسل ذات پات سب باتیں بے معنی ہوجاتی ہیں۔ صادق آباد کے علاقہ مظہر فرید کالونی کے محمد اکرم خوشی سے نہال ہیں انکے صاحبزادے بیاہ لائے ہیں جاپانی گڑیا۔ 25 سالہ ساجد محمود کی فیس بک کے ذریعے جاپان کی ہارونہ سیکورائی سے دوستی ہوئی جو آہستہ آہستہ محبت میں بدلی تو دونوں کو ملنے کا خیال آیا ساجد محمود نے ہارونہ سیکورائی کو پاکستان آنے کی دعوت دی تو ہارونہ سیکورائی کی والدہ اور دوستوں نے پاکستان کو دہشت گرد ملک قرار دیتے ہوئے اسے آنے سے منع کردیا مگر ساجد محمود دھن کا پکا نکلا اس نے اپنے پیار اور روایتی خلوص سے اس تاثر کو زائل کیا اور اسے پاکستان آنے کی ایک بار پھر دعوت دی۔ اب کی بار ہارونہ سیکورائی نہ صرف پاکستان آئی بلکہ مسلمان ہو کر ساجد محمود کی زندگی میں بھی بہار بن کر شامل ہوچکی ہے۔ ساجد محمود کے والد محمد اکرم کا کہنا ہے کہ ہماری بہو بہت اچھی ہے اس کی والدہ نے اسے پاکستان آنے سے منع کیا تھا کہ مگر یہ آئی، پاکستان کیخلاف جو منفی پراپیگنڈہ کیا جاتا ہے وہ غلط ہے اسے میل جول سے پاکستان کا امیج مزید بہتر ہوگا۔