خبرنامہ پاکستان

آپ ہمیں ڈرا سکتے ہیں اور نہ بھگاسکتے ہیں، آصف زرداری

میرپورخاص:(ملت آن لائن) پیپلزپارٹی کے شریک چیئرمین آصف علی زرداری نے کہا ہے کہ پاکستان کو نااہل حکمرانوں کی وجہ سے مشکلات کا سامنا ہے۔ میر پور خاص میں جلسہ عام سے خطاب کرتے ہوئے آصف زرداری نے کہا کہ جن کی حکومت ہے وہ خود حزب اختلاف میں بھی ہیں، یہ اسٹیبلشمنٹ سے لڑنے چلے ہیں اور اپنی ہی حکومت میں جلسے کررہے ہیں جب کہ پروٹوکول پورا حاصل کررہے ہیں۔ انہوں نے نواز شریف کو مخاطب کرتے ہوئے کہا کہ جب حکومت ،وزیراعظم، وزیرداخلہ اور وزیرخارجہ آپ کا ہے اور ادارے بھی آپ کے ماتحت ہیں تو پھر کس بات کی راز داری ہے، پیچھے کے راز تو ہمیں بھی پتا ہیں، ہمیں ایسے پیغام نہ بھیجیں جس سے آپ سمجھیں کہ ہم ڈرجائیں گے۔پیپلزپارٹی اپوزیشن میں رہی ہے، ہمارے ہزاروں لیڈرز جیل میں گئے، اس وقت آپ کو احساس نہیں ہوتا کیونکہ وزیراعظم آپ کا اور ادارے آپ کے ہیں۔ میاں صاحب راز فاش کریں انہیں ہیوی مینڈیٹ کہاں سے ملا، آصف زرداری سابق صدر نے کہا کہ آج پاکستان کو نااہل حکمرانوں کی وجہ سے مشکلات کا سامنا ہے، نواز شریف نے 4 برس وزیر خارجہ ہی مقرر نہیں کیا جب انہیں احساس ہوا تو ایسا وزیر خارجہ مقرر کیا جو پنجابی میں انگریزی بولتا ہے۔ ایسا شخص دنیا کو پاکستان کے موقف سے کیسے آگاہ کرے گا اور دنیا اسے کس طرح سمجھے گی۔میرپور خاص: سابق صدر آصف زرداری نے نوازشریف کا نام لیے بغیر کہا ہےکہ آپ نہ ہمیں ڈرا سکتے ہیں نہ بھگاسکتے ہیں۔ میرپور خاص میں پیپلزپارٹی کےبانی ذوالفقار علی بھٹو کی 90 ویں سالگرہ پر جلسے سے خطاب کرتے ہوئے آصف زرداری نےشریف برادران کا نام لیے بغیر انہیں تنقید کا نشانہ بنایا۔ پیپلزپارٹی کے شریک چیئرمین نے کہا کہ یہ جس مقصد کے لیے لائے گئے وہ پورے کررہے ہیں، سوائے دوستوں کی انڈسٹریاں لگنے کے کوئی کام نہیں ہوا۔ آصف زرداری نے کہا کہ بلاول بھٹو چار سال سے انہیں کہہ رہے ہیں کہ وزیر خارجہ لگاؤ، اب وزیر خارجہ لگایا ہے جو انگریزی پنجابی میں بولتا ہے، یہ آپ کی سوچ لے کر دنیا میں جائے گا، یہ ان کی سیاست، سمجھ اور شعور ہے، اگر وزیر خارجہ لگانا تھا تو کم از کم ایسا لگاتے جو ایسی بولی بولتا وہ سمجھتے تو سہی، ہمیں مشکلوں کا سامنا اس لیے ہے کہ حکمران نااہل ہیں۔ سابق صدر نے میاں نوازشریف کا نام لیے بغیر تنقید کرتے ہوئے کہا کہ یہ حکومت آپ کی، مخالف میں بھی آپ ہیں، پردے کے پیچھے کیا چوری ہے، کہتے ہیں پیچھے کے راز بتادوں گا۔ آصف زرداری نے کہہ کہ پیچھے کے راز تو ہمیں بھی پتا ہیں، سب سے بڑا راز تو آپ ہو، جو یونین کونسل کے الیکشن نہیں جیت سکتا اس نے ایک لاکھ بارہ ہزار ووٹ لیے، اب وہ زمانہ نہیں رہا کوئی بات چھپ سکے، کوئی بات کسی کی نہیں چھپتی۔ ان کا کہنا تھا کہ آپ اپنی ہی اسٹیبلشمنٹ سے لڑنے اور جلوس نکالنے چلے ہو، پروٹوکول بھی اپنی حکومت کا استعمال کررہے ہیں، سب کچھ آپ کا اور ادارے بھی آپ کے ہیں، کس بات کی رازداری ہے۔ پی پی رہنما نے مزید کہا کہ اپنے وزیراعظم کو کہیں اگر حکومت نہیں چلتی تو استعفیٰ دیں، ان سے کہیں آپ نااہل ہیں، لیکن ہمیں ایسے پیغام نہ بھیجیں جس سے آپ سمجھیں کہ ہم ڈر جائیں گے، نہ آپ ہمیں ڈرا سکتے ہیں نہ بھگاسکتے ہیں، آپ خود ڈر سکتے ہیں لکھ کر دے سکتے ہیں، ہماری پارٹی میں ایسا کوئی کلچر نہیں ہے۔ ’آئندہ وزیراعلیٰ مراد علی شاہ جلسے سے خطاب میں آصف زرداری نے وزیراعلیٰ سندھ کی تعریف کرتے ہوئے کہا کہ مرادعلی شاہ جو وعدہ کرتے ہیں اسے پورا کرتے ہیں، ان سے وعدے لے لو۔ سابق صدر نے اعلان کیا کہ آئندہ وزیراعلیٰ بھی مرادعلی شاہ ہوں گے۔