بھارتی فورسز کی نیزہ پیرہ سیکٹر میں فائرنگ، 2 خواتین زخمی
راولپنڈی: (ملت آن لائن) بھارتی فورسز کی ایل او سی پر اشتعال انگیزی جاری، نیزہ پیرہ سیکٹر میں فائرنگ سے 2 خواتین زخمی ہو گئیں۔ پاک فوج کے شعبہ تعلقات عامہ (آئی ایس پی آر) کے مطابق بھارتی فورسز کی لائن آف کنٹرول (ایل او سی) کی خلاف ورزیاں اور اشتعال انگیزی جاری ہے۔ بھارتی فورسز نے نیزہ پیر سیکٹر میں شہری آبادی پر فائرنگ کر کے دو خواتین کو زخمی کر دیا ہے۔ اس سے قبل بھارتی فورسز کی جانب سے ورکنگ باؤنڈری ظفر وال سیکٹر پر بلا اشتعال فائرنگ کی گئی تھی جس سے 3 شہری زخمی ہو گئے تھے۔ پاک فوج کی بھرپور جوابی کارروائی میں ایک بھارتی فوجی مارا گیا جبکہ 2 زخمی ہوئے۔ آئی ایس پی آر کے مطابق بھارتی فوج نے ورکنگ باؤنڈری پر نہتے شہریوں کو بلا اشتعال فائرنگ کا نشانہ بنایا۔ فائرنگ سے 3 شہری زخمی ہو گئے۔ پاک فوج نے بھارتی جارحیت کا بھرپور جواب دیتے ہوئے بھارتی فوجی چوکیوں کو نشانہ بنایا۔ پاک فوج کی فائرنگ سے ایک بھارتی فوجی ہلاک جبکہ دو زخمی ہو گئے۔
………………………..
اس خبر کو بھی پڑھیے…پاکستان کو واچ لسٹ میں رکھنا امریکا کی بدنیتی ہے، خواجہ آصف
سلام آباد: (ملت آن لائن) وزیرِ خارجہ خواجہ آصف نے کہا ہے کہ واچ لسٹ میں رکھنے کا مطلب امریکا کا ہمارے خلاف تمام ہتھیار استعمال کرنا ہے پاکستانی وزیرِ خارجہ خواجہ محمد آصف نے کہا ہے کہ امریکا نے ہمیشہ ہر مشکل وقت میں ہمیں دھوکا دیا۔ پاکستان کو واچ لسٹ پر رکھنا امریکا کی بدنیتی ہے۔ نجی میڈیا کے مطابق ان کا کہنا تھا کہ امریکا نے جن قوموں کو اپنے انتقام کا نشانہ بنایا وہ آج بھی زندہ ہیں۔ خواجہ آصف نے کہا کہ افغانستان سے متعلق امریکا کا اپنا موقف بدلتا رہا۔ اب امریکا افغانستان میں ناکامیوں کا ملبہ پاکستان پر ڈال رہا ہے۔ امریکا کا کوئی ایسا مطالبہ نہیں جو ہم نے پورا نہ کیا ہو۔ وزیرِ خارجہ نے کہا کہ بھارت میں اقلیتوں کے حوالے سے حالات اور صورتحال سب کے سامنے ہے۔ بھارت میں گائے کا گوشت کھانے والوں کو قتل کر دیا جاتا ہے۔ واچ لسٹ میں لسٹ میں رکھنے کا مطلب امریکا کا ہمارے خلاف تمام ہتھیار استعمال کرنا ہے۔وزیر خارجہ کا کہنا تھا کہ دہشت گردی کے خلاف جنگ ہماری نہیں تھی، ہم نے جعلی جہاد لڑا، یہ جہاد امریکا کا تھا، جب بھی مشکل وقت آیا امریکا نے ہمیشہ ہمیں دھوکا دیا، امریکا کا کوئی بھی ایسا مطالبہ نہیں ہے جو ہم نے پورا نہ کیا ہوا، امریکا دنیا کو یہ بتانا چاہتا ہے کہ جو انہیں کامیابیاں نہیں ملیں وہ پاکستان کی وجہ سے ہے، امریکا اپنی ناکامیوں کاذمہ دار پاکستان کو ٹھہرانا چاہتا ہے جب کہ امریکا نے جن قوموں کو نشانہ بنایا وہ آج بھی زندہ ہیں۔ خواجہ آصف نے مزید کہا کہ افغانستان کے حوالے سے امریکا اپنےموقف بدلتا رہا ہے، اب امریکا افغانستان میں رہنا چاہتا ہے اور اس نے وہاں فوج بھی بڑھا دی ہے۔