خبرنامہ پاکستان

اسلام آباد ۔ 14 ستمبر (اے پی پی) پاکستان مسلم لیگ(ن) کے رہنما رکن قومی اسمبلی طلال چوہدری نے کہا ہے کہ تحریک انصاف کے سربراہ عمران خان اورعوامی تحریک کے سربراہ طاہر القادری جمہوریت کے مخالف ہیں اور ملک میں جمہوری نظام کو پٹڑی سے اتارنا چاہتے ہیں۔ بدھ کو نجی ٹی وی سے گفتگوکرتے ہوئے انہوں نے کہا کہ ان کے پاس دوہری شہریت ہے اور ان کا ہدف اورمقصد بھی ایک ہے کہ ہر قیمت پر اقتدار کو حاصل کیا جائے۔ انہوں نے کہا کہ عوامی تحریک کے سربراہ طاہر القادری نے ہمیشہ جھوٹ بول کر دوسروں کو دھوکہ دیتے ہیں جبکہ دونوں رہنما اقتدار حاصل کرنے کیلئے جمہوری نظام کے خلاف سازش کررہے ہیں۔