خبرنامہ

استنبول (ملت + آئی این پی) کرغزستان کا کہنا ہے کہ وہ اس بات کی تحقیقات کررہے ہیں کہ آیا ان کا شہری استنبول کے نائٹ کلب پر حملے میں ملوث ہے یا نہیں۔غیر ملکی میڈیا کے مطابق ملکی انٹیلی جنس ادارے نیشنل سیکورٹی کمیٹی کے ترجمان کا کہنا ہے کہ وہ حملے میں اپنے شہری کے ملوث ہونے کے حوالے سے تحقیقات کررہے ہیں، انہوں نے بتایا کہ تفتیش کار اپنے ترک ہم منصبوں سیرابطے میں ہیں، انہوں نے مزید بتایا کہ حکام نے ترکی سے وطن واپس لوٹنے والے ایک 28 سالہ نوجوان کو گرفتار کرلیا ہے۔ترک میڈیا نے رپورٹ کیا تھا کہ یہ نوجوان مشتبہ طور پر حملے میں شامل تھا، ان کا کہنا تھا کہ انٹیلی جنس حکام نے مشتبہ شخص کو علاقائی بیورو منتقل کردیا ہے جہاں اس سے تفتیش جاری ہے۔