خبرنامہ

ایک لاکھ 46 ہزارروپے کی جرابیں پہننے والی اداکارہ کی دھوم

لاہور : (ملت آن لائن) حال ہی میں جنیفر لوپیز نے ملبوسات کی مشہور ترین کمپنی “گوچی “کی جرابیں پہنی ہیں ، ان جرابوں کی خاص بات یہ ہے کہ انکی قیمت پاکستانی روپوں میں 146000 روپے سے زائد بنتی ہے ۔ ان جرابوں کی قیمت کے زیادہ ہونے کی وجہ یہ ہے کہ اس جراب میں ہیرے جڑے ہوئے ہیں ۔ جنیفر لوپیز نے اپنے سوشل میڈیا اکائونٹ پر لکھا کہ “آج میں نے نئی جرابیں پہنی ہیں “،تاہم اس کیساتھ جنیفر لوپیز نے جوتوں کا بہترین جوڑا بھی زیب تن کیاہے ۔ جنیفر کا کہناہے کہ اچھے اور مہنگے جوتے پہننا میری کمزوری ہے ، اس بار مہنگی اور بہترین جرابیں پہن کر مجھے بہت خوشی محسوس ہو رہی ہے ۔دنیا کی معروف ترین گلوکارہ اور اداکارہ جنیفر لوپیز کو کون نہیں جانتا ۔ جنیفر لوپیز کو گانوں کیساتھ ساتھ اداکاری سے شہرت ملی تاہم وہ اپنے بہترین ملبوسات اور پہناوے سے بھی دنیا کو حیران کرتی رہتی ہیں ۔

……………………………….

اس خبر کو بھی پڑھیے…سڑک پر یہ زرد اور سفید دھاریاں کیوں بنائی جاتی ہیں؟

لاہور (ملت آن لائن) کیا آپ نے کبھی غور کیا ہے کہ سڑکوں پر بنی ہوئی زرد اور سفید حاشیے یا لائنز کا کیا مطلب ہے؟ بہت کم لوگ ان کا مطلب جانتے ہیں۔ صرف سفر کے شوقین افراد سڑک پر بنے مختلف سائنز (نشانات) سے اچھی طرح آشنا ہوتے ہیں۔ انہیں علم ہوتا ہے کہ کس سائن کا کیا مطلب ہے۔ دوران سفر ڈرائیور حضرات کی حفاظت اور آرام دہ سفر کی خاطر یہ دھاریاں لگائی جاتی ہیں تاکہ حادثوں سے محفوظ رہا جا سکےدراصل ہم میں سے اکثر افراد اپنے تعلیمی اداروں اور دفاتر میں جانے کے لیے تقریباً روز ہی سفر کرتے ہیں لیکن ہم میں سے بہت کم افراد سگنل کی لال، زرد، سبز بتی کے علاوہ کسی اور سائن پر غور کرتے ہوں گے۔ تو ہم آپ کو بتاتے ہیں کہ سڑک پر بنی ان زرد اور سفید دھاریوں کا کیا مطلب ہے۔
تقسیم شدہ سفید لائن
کچھ سڑکوں پر سفید رنگ کی ٹوٹی ہوئی یا تقسیم شدہ لائنز بنی ہوتی ہیں۔ یہ عموماً ان سڑکوں پر ہوتی ہیں جو مرکزی شاہراہ سے ذیلی سڑک میں تبدیل ہورہی ہوتی ہیں اور ان پر بہت کم ٹریفک ہوتی ہے۔
ان پر بنی سفید لائنز کا مطلب ہے کہ آپ احتیاط کے ساتھ اپنی لین تبدیل کرسکتے ہیں یعنی ایک قطار سے دوسری قطار میں جا سکتے ہیں۔ لیکن احتیاط کو ملحوظ خاطر رکھیں۔
غیر تقسیم شدہ سفید لائن
غیر تقسیم شدہ سیدھی سفید لائنوں کا مطلب ہے کہ آپ اپنی لین کسی صورت تبدیل نہیں کر سکتے۔ یہ لائن شہر کی مرکزی اور مصروف شاہراہوں پر بنی ہوتی ہے تاکہ جلدی میں لوگ لین بدلنے سے باز رہیں اور سڑک پر کوئی حادثہ رونما نہ ہو۔
تقسیم شدہ زرد لائن
ٹوٹی ہوئی زرد لائنوں کا مطلب ہے کہ آپ اپنی آگے والی گاڑی کو کراس کرسکتے ہیں لیکن ایسا کرنے سے پہلے آس پاس کے ٹریفک اور راہ گیروں کا خیال رکھیں۔
غیر تقسیم شدہ ایک زرد لائن
کسی سڑک پر ایک سیدھی زرد لائن آپ کو غیر معمولی احتیاط کے ساتھ گاڑی کراس کرنے کی ہدایت دیتی ہے۔
دو زرد لائنیں
سڑک پر دو سیدھی زرد لائنیں آپ کو اپنی لین میں سیدھا گاڑی چلانے کا انتباہ کرتی ہیں۔ اس لائن کا مطلب ہے کہ گاڑیوں کو کراس کرنے کی کوشش ہرگز مت کریں۔
ایک سیدھی اور ایک تقسیم شدہ زرد لائن
ان دو لائنوں کا مطلب ہے کہ اگر آپ تقسیم شدہ لائن کے ساتھ چل رہے ہیں تو آپ اگلی گاڑی کو کراس کر سکتے ہیں۔