کربلا (ملت + اے پی پی) جنوبی بغداد میں خودکش حملے میں 8 افراد ہلاک ہو گئے۔ پیر کو کربلا کی صوبائی کونسل کے ترجمان معصوم التمیمی کے مطابق عین التمر جو کہ بغداد کے جنوب میں واقع ہے میں صبح سویرے 6 خودکش بمبار داخل ہوئے جن کے آگے بڑھنے کی کوشش کے دوران سیکیورٹی فورسز نے ان کو روکنے کی کارروائی کی اس دوران 5 بمبار سیکیورٹی فورسز کی فائرنگ سے ہلاک ہو گئے جبکہ ایک بمبار نے خود کو اڑا دیا۔سیکیورٹی ذرائع کے مطابق واقعہ میں 8 افراد ہلاک اور 6 زخمی ہوئے ہیں۔داعش نے مذکورہ حملے کی ذمہ داری قبول کی ہے۔یاد رہے کہ مذکورہ مقام کربلا سے 50 کلو میٹر کے فاصلے پر واقع ہے۔
خبرنامہ
بغداد میں خودکش حملے میں 8 افراد ہلاک
![](http://www.millat.com/wp-content/uploads/2016/11/Suicide-Blast.jpg)