خبرنامہ

بوڑھی خواتین کو جوان بنانے والا حیرت انگیز میک اپ آرٹسٹ

ماسکو:(ملت آن لائن)بوڑھی خواتین کو جوان بنانے،جانیے کس طرح سے یہ خواتین اپنی عمر سے کم دکھائی دینے کے لیے بہت سے جتن کرتی ہیں جن میں سے ایک میک اپ بھی ہے جو بڑی حد تک انہیں جوان اور پرکشش نظر آنے میں مدد فراہم کرتا ہے تاہم اب میک اپ کے ماہر نے عمر رسیدہ خواتین کو ان کی عمر سے نصف دکھانے کا بیڑہ اٹھایا ہے اور وہ اس میں حیرت انگیز طور پر کامیاب بھی رہے ہیں۔

آذربائیجان کے 32 سالہ انر اگاکی شیف 80 سالہ خاتون کو 40 سال کا دکھانے کی غیرمعمولی صلاحیت رکھتے ہیں میک اپ کے بعد جب خواتین خود کو آئینے میں دیکھتی ہیں تو انہیں یقین نہیں آتا کہ یہ ان کا اپنا چہرہ ہے۔

انر ایک بڑے میک اپ اسٹوڈیو کے مالک ہیں جو اپنے صارفین کو خوب سے خوب تر بنانے کی کوشش کرتا رہتا ہے تاہم وہ ایک کام کے زیادہ ماہر ہیں یعنی بوڑھی خواتین کو جوان بناسکتے ہیں۔ آنکھوں کے گرد حلقے، جھریاں اور عمر رسیدگی کے نشانات مٹانے میں انہیں خاص امتیاز حاصل ہے اس طرح وہ بوڑھی خواتین کو خوبرو اور جوان بنا رہے ہیں۔