خبرنامہ

تضحیک کا نشانہ بننے والی پستہ قد لڑکی سپر ماڈل بن گئی
نیواڈا:(ملت آن لائن) کہتے ہیں کہ خوبصورتی کسی انسان یا چیز میں نہیں ہوتی بلکہ دیکھنے والے کی آنکھوں میں ہوتی ہے بس نظر کا زاویہ اور سوچ درست ہونی چاہیے، ایسا ہی ایک چھوٹے قد والی لڑکی کے ساتھ ہوا ہے جسے لوگ مذاق کا نشانہ بناتے تھے لیکن اب وہ سپر ماڈل بن گئی ہے۔
امریکی ریاست نیواڈا کی 21 سالہ ڈریو پریسٹا کا قد 3 فٹ 4 انچ یعنی ایک میٹر کے لگ بھگ ہے۔ وہ بھی عام انسانوں ہی کی طرح پیدا ہوئی تھی لیکن اس کا قد عام انسانوں کی طرح نہیں بڑھا۔ اس کے گھر کا کوئی بھی فرد اس جیسا نہیں، اسی وجہ سے اسے بچپن سے ہی مذاق کا نشانہ بنایاجاتا تھا لیکن چھوٹے قد کی اس لڑکی کے خواب بہت بڑے تھے، اس نے کبھی بھی لوگوں کی باتوں کو اپنے عزائم کی راہ میں رکاوٹ نہیں بننے دیا۔ڈریو پریسٹا کا کہنا ہے کہ میں چاہتی ہوں کہ فیشن انڈسٹری ہر شخص کو قبول کرے، ہر شخص ریمپ پر جلوہ گر ہو چاہے وہ وہیل چیئر پر ہی کیوں نا ہو۔