خبرنامہ

اگرچہ دولت مند ہونا کوئی غیر معمولی بات نہیں لیکن اپنی دولت میں مسلسل اضافہ کرتے جانا یہاں تک کہ خود کو دنیا کے امیر ترین افراد کی فہرست میں شامل کروا لینا ضرور ایک کارنامہ ہے-

ہر سال کی مانند اس سال بھی امریکی میگزین فوربس کی جانب سے دنیا کے امیر ترین افراد کی فہرست جاری کی گئی ہے-

اور رواں سال بھی ایک مرتبہ پھر دنیا کی معروف ترین ٹیکنالوجی کمپنی مائیکروسافٹ کے بانی بل گیٹس دنیا کے امیر ترین شخص ہونے کا اعزاز حاصل کر لیا ہے-

گزشتہ 22 سالوں کے دوران 17 بار دنیا کے امیر ترین شخص ہونے کا اعزاز بل گیٹس نے حاصل کیا ہے۔

امریکی میگزین فوربس کے مطابق سال 2016 میں بل گیٹس کے اثاثوں کی مالیت 75 ارب ڈالر رہی اور اس طرح وہ دنیا کے امیر ترین شخصیت قرار پائے۔

فوربس میگزین کی فہرست میں دوسری پوزیشن ملبوسات بنانے والی کمپنی زارا کے مالک امانکیو اورٹیگا نے حاصل کی ہے جن کے اثاثوں کی مالیت 67 ارب ڈالر ہے جبکہ دنیا کے تیسرے امیر ترین شخص برکشائر ہیتھاوے انکارپوریشن کے چیف وارین بافیٹ قرار پائے ہیں اور ان کے اثاثوں کی مالیت 60.8 ارب ڈالر ہے۔