خبرنامہ

صرف ایک ڈالر کے عوض گھر خریدیں

میلان: (ملت آن لائن) اگر آپ اٹلی کے ایک خوبصورت گاؤں میں گھر بنانا چاہتے ہیں تو اچھی خبر یہ ہے کہ وہاں 200 گھر برائے فروخت ہیں اور ان میں سے ہر ایک کی قیمت صرف ایک ڈالر ہے۔ جزیرہ سارڈینا کے علاقے باربیگیا کے پاس اولولائی نامی گاؤں سے لوگ دوسرے مقامات جا رہے ہیں، جس سے یہاں کی آبادی 1300 افراد تک رہ گئی ہے اور انہیں ڈر ہے کہ کہیں یہ علاقہ خالی ہو کر بھوت نگر نہ بن جائے۔ معاہدے کے مطابق گھر خریدنے والے کو تین سال کے اندر اندر اسکی مرمت کرانا ہو گی، جس پر کم ازکم 40 لاکھ روپے لاگت آئیگی۔ معاہدے کے مطابق گھر خریدنے والے کو تین سال کے اندر اندر اسکی مرمت کرانا ہو گی۔

………………………

اس خبر کو بھی پڑھیے…کوئی ملک القدس میں سفارتی مشن قائم نہ کرے: عرب لیگ

قاہرہ: (ملت آن لائن) عرب لیگ کے وزرا خارجہ نے تمام ممالک سے مطالبہ کیا ہے کہ وہ سلامتی کونسل کی 1980 میں منظور کی گئی قرارداد 478 پر عمل کرتے ہوئے بیت المقدس شہر میں سفارتی مشن قائم کرنے سے احتراز کریں۔ قاہرہ میں عرب لیگ کے صدر دفتر میں ہونے والے خصوصی اجلاس کے دوران عرب وزرا خارجہ نے ایک بار پھر باور کرایا کہ القدس کو اسرائیل کا دارالحکومت تسلیم کرنے اور وہاں سفارتی مشن منتقل کرنے کے حوالے سے کوئی بھی فیصلہ یکسر مسترد کیا جائے گا۔ اجلاس کے بعد جاری ہونے والے بیان میں امن کو بطور ہتھیار تھامے رکھنے اور عرب اسرائیل تنازع 2002 کے عرب امن منصوبے کے مطابق حل کرنے کی تاکید کی گئی۔ بیان میں زور دیا گیا کہ امن عمل کو دوبارہ شروع کرنے کے لیے ایک بین الاقوامی کانفرنس منعقد کی جائے۔ ادھر فلسطینی وزیر برائے اوقاف ومذہبی امور یوسف ادعیس نے بتایا کہ اسرائیلی فوج نے جنوری 2018 کے دوران تاریخی جامع مسجد ابراہیمی میں 49 بار اذان پر پابندی لگائی، جس پر فلسطینی سراپا احتجاج ہیں۔