خبرنامہ

غزہ سٹی (ملت + آئی این پی) فلسطین کے شہر غزہ میں اسرائیلی فضائیہ کی بمباری سے 2 فلسطینی شہری شہید اور 5 زخمی ہوگئے۔غیر ملکی میڈیا کے مطابق غزہ میں مصر سے ملحقہ سرحدی علاقے میں اسرائیلی فضائیہ کی بمباری کے نتیجے میں 2 فلسطینی شہید اور 5 زخمی ہوگئے، واقعے کے بعد امدادی اہلکاروں نے زخمیوں کو اسپتال منتقل کردیا۔فلسطینی وزارت صحت کے ترجمان کے مطابق شہید ہونے والے افراد کو اسرائیلی طیاروں نے غزہ اور مصر کی سرحد کے قریب نشانہ بنایا تاہم حملے کی وجوہات سامنے نہیں آسکیں۔دوسری جانب اسرائیلی افواج کے ترجمان کا کہنا ہے کہ اسرائیلی فضائیہ نے غزہ کی سرحد کے قریب کوئی فضائی کارروائی نہیں کی گئی ۔