خبرنامہ

مسجد الحرام کے متعلق ایسے اعدادوشمار کہ پڑھتے ہی آپ ” سبحان اللہ” کہہ اٹھیں

مکہ مکرمہ (ملت آن لائن) دنیا بھر کے مسلمانوں کے مرکز خانہ کعبہ اورمسجد حرام کے متعلق بارے میں اہم اعداد وشمار سن کر آپ ” سبحان اللہ ” کہہ اٹھیں گے ۔ تفصیلات کے مطابق مکہ مکرمہ گورنریٹ نے مسجد الحرام سے متعلق ٹویٹر کے اکاؤنٹ پر مندرجہ ذیل اہم اعدادو شمار جاری کئے ہیں۔ مسجد الحرام کا رقبہ 11لاکھ64ہزارفٹ ہے۔ مسجد الحرام میں ایک وقت میں 20لاکھ سے زائد افراد نماز ادا کرسکتے ہیں۔اور اس کے 210دروازے ہیں۔سب سے بڑا دروازہ ملک عبداللہ ہے۔ مسجد الحرام میں 10ائمہ کرام ، 20مؤذن،42ہزار قالین،12ہزار وہیل چیئرز اور 300الیکٹرانک چیئرز ہیں۔ واضح رہے کہ صرف مسجدالحرام میں ہرسال تقریباََ12لاکھ قرآن کریم کے نسخے جبکہ ایک لاکھ60ہزار کتابیں تقسیم کی جاتی ہیں۔ مسجد الحرام کی لائبریری میں اس وقت 5ہزار قلمی نسخے موجود ہیں۔روزانہ 900ٹن آب زمزم استعمال کیا جارہا ہے۔ اور سال حرم شریف میں تحفیظ قرآن کی مجلسوں سے 5لاکھ زائرین فیضیاب ہورہے ہیں۔
اس خبر کو بھی پڑھیے…بھارت میں سیلفی لینے پر شادی کی تقریب میدان جنگ بن گئی

کانپور (ملت آن لائن) گزشتہ شب شادی کی تقریب میں سیلفی لینے پر لڑکی اور لڑکے والے آپس میں متصادم ہوگئے۔ دونوں گروپوں میں جم کر لڑائی شروع ہوگئی۔ اس میں دولہا دلہن بھی زخمی ہوگئے۔ شادی کی تقریب میں بھگدڑ اس قدر مچی کہ لوگ بھول گئے کہ باراتی کون ہیں ؟ اور میزبان کون ؟۔ اس لڑائی میں دولہا کے والد بھی زخمی ہوگئے۔ ذرائع کے مطابق اکھلیش کمار کی بیٹی پونم کی شادی رمیش کے بیٹے نیرج سے طے ہوئی۔نیرج بارات لیکر گیسٹ ہائوس پہنچے ۔ ہال میں موجود دلہن کے ساتھ ایک نوجوان نے سیلفی لینے کی کوشش کی جس پر لڑکے کی بہن کو اس کی حرکت بری لگی اور اس نے لڑکے کو پکڑ کر کنارے کردیا جس سے ناراض ہوکر لڑکے نے اپنے ساتھیوں کے ساتھ ملکر لڑکی سے مار پیٹ شروع کردی ۔بعد ازاں پورا شادی ہال میدان جنگ بن گیا۔ اطلاع ملتے ہی پولیس نے موقع پر پہنچ کر حالات کو کنٹرول میں کیا۔لڑائی میں زخمی ہونیوالوں کو اسپتال پہنچایا اور معاملے کی تحقیقات شروع کردی۔