بلوچستان میں 200 فراری کمانڈرز نے ہتھیار چھوڑ کر لیپ ٹاپ اٹھا لیے
کوئٹہ:(ملت آن لائن) بلوچستان میں 200 فراری کمانڈرز ہتھیار ڈال کر قومی دھارے میں شامل ہوگئے۔ سرینڈر کرنے والوں میں لیپ ٹاپ بھی تقسیم کیے گئے۔ تفصیلات کے مطابق بلوچستان میں مختلف کالعدم تنظیموں سے تعلق رکھنے والے 200 فراری کمانڈرز نے ہتھیار ڈال دیے۔ تقریب کے مہمان خصوصی وزیر اعلیٰ بلوچستان میر عبد القدوس بزنجو اور کمانڈر سدرن کمانڈ لیفٹیننٹ جنرل عاصم سلیم باجوہ تھے۔ تربت کے ایف سی ہیڈ کوراٹر میں منعقدہ تقریب میں سرینڈر کرنے والے فراریوں میں کالعدم بی ایل ایف اور بی آر اے کے 15 کمانڈر بھی شامل ہیں۔ ہتھیار ڈالنے والوں نے آئندہ ریاست مخالف سرگرمیوں کا حصہ نہ بننے کا اعلان کیا اور پاکستان کی ترقی و استحکام کے لیے کام کرنے کے عزم کا اظہار کیا۔ ہتھیار ڈالنے والے کمانڈرز کو لیپ ٹاپ بھی دیے گئے۔