خبرنامہ بلوچستان

چمن: (آئی این پی) چمن میں نوجوان فٹبالر کو نامعلوم مسلح افراد نے قتل کر دیا، لاش رحمان کہول روڈ سے ملی ۔ لیویز ذرائع کے مطابق چمن کے مقامی کلب کے نوجوان فٹبالر حزب اللہ گزشتہ شام کو گھر جاتے ہوئے لاپتہ ہوئے تھے جن کی لاش چمن کے رحمان کہول روڈ سے ملی ہے۔ لیویز نے لاش پوسٹ مارٹم کیلئے سول ہسپتال چمن منتقل کیا جہاں ابتدائی رپورٹ کے مطابق انہیں تشدد کے بعد فائرنگ کرکے قتل کیا گیا۔ دوسری جانب کوئٹہ چمن شاہراہ پر قلعہ عبداللہ کے قریب کار گاڑی کی ٹکر سے ناکے پر کھڑا لیویز اہلکار موقع پر جاں بحق ہوا جبکہ ڈرائیور کار سمیت فرار ہو گیا۔