خبرنامہ بلوچستان

بلوچستان کے علاقے گنداخہ میں ڈاکوؤں سے مقابلے میں ایس ایچ او شہید
بلوچستان(ملت آن لائن)بلوچستان کے ضلع نصیر آباد میں پولیس مقابلے کے دوران ڈاکوؤں کی فائرنگ سے ایس ایچ او گنداخہ عبدالرحیم شہید ہوگئے۔ ضلع نصیر آباد کے علاقے گنداخہ میں پولیس نے ڈاکووں کی موجودگی کی اطلاع پر کارروئی کی جس کے دوران ڈاکوؤں نے پولیس اہلکاروں کی ٹیم پر فائرنگ کردی۔ پولیس کے مطابق دوطرفہ فائرنگ کے تبادلے میں ایس ایچ او عبدالرحیم شہید ہوگئے جن کی میت سول اسپتال منتقل کردی گئی۔ نصیر آباد پولیس کا کہنا ہے کہ مقابلے کے دوران درجنوں وارداتوں میں مطلوب ڈاکو مارا گیا جب کہ ایک کو زخمی حالت میں گرفتار کرلیا گیا ہے ۔ پولیس مطابق ڈاکوؤں اور اہلکاروں کے درمیان فائرنگ کا تبادلہ جاری ہے جب کہ علاقے کو گھیرے میں لیتے ہوئے اضافی نفری طلب کرلی گئی ہے۔ ڈاکوؤں کی فائرنگ سے شہید ہونے والے ایس ایچ او گنداخہ عبدالرحیم کا تعلق ضلع جعفرآباد سے ہے۔