کوئٹہ (آئی این پی) بلوچستان کے 13 اضلاع میں 3 روزہ انسداد پولیو مہم پیر سے شروع ہوگئی۔ مہم کے دوران سیکورٹی کے سخت انتظامات کئے گئے ۔ بلوچستان کے صوبائی کوآرڈینیٹر ایمرجنسی سیل ڈاکٹر سیف الرحمن کے مطابق سہ روزہ پولیو مہم کے دوران 6 بلوچستان کے 13 اضلاع میں 5 سال تک کے 14 لاکھ 93 ہزار بچوں کو پولیو سے بچاؤ کی حفاظتی ویکسین پلائی جائے گی۔ انسداد پولیو مہم کے لیے 3 ہزار 6 سو 19 موبائل ٹیمیں تشکیل دی گئی ہیں جبکہ 3 سو 95 فکسڈ سپورٹ سینٹرز بنائے گئے ہیں۔ مہم کے دوران رضا کاروں اور پولیو ورکرز کو فول پروف سیکورٹی فراہم کرنے کے لیے پولیس ، فرنیٹیئر کور اور لیویز اہلکار تعینات رہیں گے جبکہ ایف سی اور پاک آرمی کا تعاون بھی حاصل رہے گا۔
خبرنامہ بلوچستان
بلوچستان کے 13 اضلاع میں پولیو مہم کا آغاز
![](http://www.millat.com/wp-content/uploads/2016/04/untitled-105.png)