خبرنامہ بلوچستان

کوئٹہ:(ملت آن لائن )قومی احتساب بیورو بلوچستان کا احتساب عدالت کے حکم پر سابق ڈائیریکٹر جنرل محکمہ ایکسائز اینڈ ٹیکسیشن محمد قاسم بلوچ کی گرفتاری کے لئے گھر پر چھاپا مارا گیا تاہم ملزم فرار ہونے میں کامیاب ہو گیا۔سابق ڈی جی ایکسائز اینڈ ٹیکسیشن قاسم بلوچ نے اختیارات کا ناجائز استعمال کرتے ہوئے عبدالبشیر بلوچ کو اسٹنٹ ایکسائز اینڈ ٹیکسیشن افسیر تعینات کیا ، ملزم عبدالبشیر نے اس دوران ڈی جی ایکسائز اینڈ ٹیکیسشن کی ملی بھگت سے مبینہ طور پر 800 سے زائد گاڑیوں کی غیر قانونی رجسٹریشن کرتے ہوئے مالی فوائد حاصل کئے جس سے قومی خزانے کو کروڑوں روپے کا نقصان پہنچا۔ نیب بلوچستان نے سابق ڈی جی محکمہ ایکسائز اینڈ ٹیکسیشن محمد قاسم بلوچ و دیگر کے خلاف ریفرنس احتساب عدالت میں دائر کر دیا ہے جبکہ کیس کا دائر ہ وسیع کرتے ہوئے ملزمان کے اثاثوں اور بینک اکاؤنٹس کی بھی چھان بین کی جا رہی ہے۔