خبرنامہ بلوچستان

کوئٹہ (ملت آن لائن + آئی این پی) کوئٹہ کے علاقے خروٹ آباد میں سیکورٹی فورسز نے ایک دربار پر چھاپہ مار کر افغانی پیر کو سات ساتھیوں سمیت گرفتار کر کے بھاری اسلحہ اور پاکستانی و غیر ملکی کرنسی برآمد کر لی۔ سیکورٹی اداروں نے خفیہ اطلاع پر دربار پر چھاپہ مارا۔ اس موقع پر مختلف بور کے پونے دو سو راؤنڈ، ممنوعہ لٹریچر، دو لیپ ٹاپ، کیمرے، 11 لاکھ پاکستانی کرنسی، 725 سعودی ریال اور 15456 ڈالر برآمد ہوئے۔ دربار سے پیر اور اس کے سات ساتھیوں کو حراست میں لے لیا گیا۔ ابتدائی تحقیقات کے مطابق ملزم کا تعلق افغانستان سے ہے اور اہم انکشافات کا امکان ہے۔