خبرنامہ گلگت

گلگت ۔ 20 اکتوبر (اے پی پی) صوبائی وزیر تعلیم و اطلاعات ابراہیم ثنائی نے کہا ہے کہ نئے بھرتی ہونے والے اساتذہ مایوس نہ ہوں ،ہم بہت جلد تقرر نامے جاری کر رہے ہیں۔آپ کے ٹیسٹ اور انٹرویوز میں میرٹ کا خیال رکھاگیا ہے ،تقرر نامے میں بھی کوئی بد عنوانی نہیں ہو گی۔اے پی پی سے گفتگو کرتے ہوئے انہوں نے کہا کہ بلتستان یونیورسٹی عوام کے لئے وفاقی حکومت کا تحفہ ہے۔جگلوٹ سکردو روڈ اور بلتستان یونیورسٹی پر جلد کام کا آغاز ہوگا،اس حوالے سے نیشنل ہائی وے اتھارٹی کے حکام اور ہائر ایجوکیشن کمیشن کے چیئرمین سے تفصیلی بات چیت کی گئی ہے۔انہوں نے کہا ہے کہ صوبائی حکومت وزیر اعلیٰ حفیظ الرحمٰن کی قیادت میں گلگت بلتستان سے تعلیمی پسماندگی اور غربت ختم کرنے کے لئے پر عزم ہیں۔