خبرنامہ

فیصل آباد(ملت + اے پی پی) فیصل آباد ڈویژن سمیت ملک بھر میں ذیا بیطس کا عالمی دن 14نومبر بروزپیر کو بھر پور طریقے سے منایا جائیگاجبکہ اس موقع پر عالمی ادارہ صحت ، پاکستان میڈیکل ایسوسی ایشن، وزارت صحت ، محکمہ صحت پنجاب ،ذیا بیطس فاؤنڈیشن پاکستان ، اسلامک میڈیکل ایسوسی ایشن سمیت دیگر تنظیموں کے اشتراک سے فیصل آباد سمیت ملک بھر کے تمام صوبائی، ڈویژنل ،ڈسٹرکٹ ہیڈ کوارٹرز پر خصوصی کانفرنسز ، سیمینارز، ورکشاپس ، میڈیکل کیمپس کا انعقاد کیا جائیگا۔ اس موقع پر الیکٹرانک میڈیا خصوصی پروگرامات نشر کرے گا جبکہ پرنٹ میڈیا میں بھی خاص ایڈیشن شائع کئے جائیں گے۔