خبرنامہ

کراچی:(ملت+آئی این پی)پاک بحریہ نے پاکستانی سمندری حدود میں موجود بھارتی آبدوز کا سراغ لگا کر اسے پاکستانی پانیوں سے دور دھکیل دیا۔ترجمان پاک بحریہ کے مطابق بھارتی آبدوز پاکستان کے سمندری علاقے کے جنوب میں موجودگی کے انکشاف کے بعد پاک بحریہ کے فلیٹ یونٹس نے بھارتی آبدوز کا سراغ لگا کر نقل و حرکت کو محدود کردیا اور پاک بحریہ نے بھارتی آبدوز کی اپنی موجودگی کو خفیہ رکھنے کی ہر کوشش کو ناکام بنادیا گیا۔ترجمان پاک بحریہ نے کہا کہ بھارتی بحریہ اپنی آبدوزوں کو پاکستان کے خلاف تعینات کر رہی ہے جبکہ پاک نیوی نے بھارتی آبدوز کو پاکستانی سمندری حدود میں داخلے سے روک دیا۔انہوں نے کہاکہ کارنامہ پاکستان نیوی کی اینٹی سب میرین وارفیئرصلاحیتوں کامنہ بولتا ثبوت ہے۔(خ م)