خبرنامہ

نئی دہلی: (ملت+آئی این پی)پاکستان کی نقل کرتے ہوئے بھارتی فضا ئیہ نے بھی ہائی وے کو رن وے بنا نے کی کوشش کی تاہم پائلٹوں کی کم ہمتی کے باعث کوئی بھی طیارہ لینڈ کرنے میں ناکام رہا۔غیر ملکی میڈیا کے مطابق بھارتی شہر آگرہ سے لکھنو جانے والی نو تعمیر شدہ ایکسپریس ہائی وے جس کا افتتا ح بھی کیا جاناہے ، بھارتی فضائیہ نے کسی بھی ہنگامی صورتحال میں ایکسپریس ہائی وے کو رن وے کی صورت میں استعمال کرنے کی مشق کی لیکن ایک بھی طیارہ لینڈ کرنے کی ہمت نہیں کر سکا ،طیارہ اپنے پچھلے پہیے تو سٹرک پر لگا دیتا لیکن پائلٹ نے ٹائر پھٹنے کے خوف سے طیارہ کو لینڈ کروانے کا خطرہ مول نہیں لیا اور واپس طیارے کو اوپر اٹھا لیا ۔واضح رہے کہ پاکستان کے پاس موٹر وے ایک بڑے اور انتہائی کار آمد رن وے کے صورت میں موجود ہے جسے کسی بھی وقت پاک فضائیہ ہنگامی لینڈنگ کیلئے استعمال کر سکتی ہے اور متعدد بار پاک فضائیہ کی جانب سے اس پر لینڈنگ اور ٹیک آف بھی کیا گیاہے ۔