خبرنامہ

لاہور(ملت + آئی این پی) لاہور کے موچی گیٹ میں دھماکے کے باعث 4 مکانوں کی چھتیں گر گئیں‘ حادثے میں 1 شخص جاں بحق‘10زخمی جبکہ متاثرہ گھر سے 6ہینڈ گر ینڈ بھی پو لیس نے بر آمد کر لیے ۔تفصیلات کے مطابق موچی گیٹ میں زور دار دھماکہ ہوا جس کے باعث ایک دوسرے سے متصل چار مکانوں کی چھتیں گر گئیں۔ حادثے کی اطلاع ملنے پر ریسکیو ٹیمیں جائے حادثہ پر پہنچ گئیں اور ملبے تلے دبے 11 افراد کو نکال کر طبی امداد کیلئے میو ہسپتال منتقل کردیا جہاں زخموں کی تاب نہ لاتے ہوئے ایک زخمی دم توڑ گیا زخمی ہونے والوں میں بچے، خواتین اور مرد بھی شامل ہیں ریسکیو ذرائع کی جانب سے امدادی کارروائیاں جاری ہیں ، ملبے تلے مزید افراد کے دبے ہونے کا خدشہ ظاہر کیا جارہا ہے جبکہ متاثرہ گھر سے 6ہینڈ گر ینڈ بھی پو لیس نے بر آمد کر لیے ہیں جن کی تحقیقات شروع کردی گئی ہے ۔