خبرنامہ

راولپنڈی ۔16 اکتوبر (ملت + اے پی پی) پاک فوج نے اتوار کو کنٹرول لائن پر بھارتی فوج کے بلا اشتعال فائرنگ کا منہ توڑ جواب دیا۔ پاک فوج کے شعبہ تعلقات عامہ (آئی ایس پی آر) کی طرف سے جاری پریس ریلیز کے مطابق بھارتی فوج نے آزاد کشمیر میں لائن آف کنٹرول کے ساتھ بھمبر سیکٹر کے علاقہ کھوئی رٹہ میں بلااشتعال فائرنگ کی ۔ بیان کے مطابق فائرنگ کا تبادلہ صبح ساڑھے 4بجے سے صبح 7بجے تک جاری رہا ، پاک فوج نے بھارتی فائرنگ کا منہ توڑ جواب دیا ۔بیان کے مطابق بھارتی بلا اشتعال فائرنگ سے جانی نقصان کی کوئی اطلاع نہیں ملی۔