خبرنامہ

یہ مکافات عمل ہے، بلاول بھٹو کا چیئرمین پی ٹی آئی کی گرفتاری پر ردعمل

کراچی: پاکستان پیپلزپارٹی کے چیئرمین بلاول بھٹو زرداری نے عمران خان کی گرفتاری کو مکافات عمل قرار دے دیا۔

توشہ خانہ فوجداری کیس میں عدالتی حکم پر چیئرمین پی ٹی آئی کی گرفتاری پر ردعمل دیتے ہوئے وزیر خارجہ نے کہا کہ ’یہ مکافات عمل ہے‘۔

دوسری جانب پی پی رہنما اور صوبائی وزیر اطلاعات سندھ شرجیل انعام میمن نے کہا کہ پیپلزپارٹی کسی کی گرفتاری پر جشن نہیں مناتی مگر کوئی شخص قانون سے بالا نہیں ہونا چاہیے۔

انہوں نے کہا کہ چیئرمین پی ٹی آئی اپنے مخالفین کو چور ڈاکو کہتے تھے اور انہیں جتنا ریلیف ملا کسی اور کو نہیں ملا۔

شرجیل میمن نے کہا کہ عمران خان کی سوچ آمرانہ تھی جس کی وجہ سے آج پی ٹی آئی سوشل میڈیا کی جماعت بن گئی ہے اور احتجاج بھی صرف سوشل میڈیا کی حد تک ہے۔ انہوں نے مزید کہا کہ الیکشن میں کوئی بھی حریف ہو مقابلہ کریں گے