اسرائیل مسجد اقصیٰ کے قریب ریلوے اسٹیشن ٹرمپ سے موسوم کرے گا
تل ابیب:(ملت آن لائن) اسرائیلی حکومت نے مقبوضہ بیت المقدس کو صیہونی ریاست کا دارالحکومت قرار دینے کے اعلان پر امریکی صدر ڈونلڈ ٹرمپ کو خراج تحسین پیش کرنے کے لیے قبلہ اول کے قریب ریلوے اسٹیشن کو ان کے نام سے موسوم کرنے کا ارادہ ظاہر کیا ہے۔ اسرائیل کے وزیر ٹرانسپورٹ یسرائیل کاٹز نے اپنے ایک انٹرویو میں کہا ہے کہ حکومت مقبوضہ بیت المقدس کے پرانے علاقے میں ایک زیر زمین ریلوے اسٹیشن کی تعمیر کا ارادہ رکھتی ہے، مجوزہ ٹرین ٹریک اور اسٹیشن اسرائیل کے دارالحکومت تل ابیب سے آنے والی ہائی اسپیڈ ٹرین سے منسلک ہوگا اور اس کا افتتاح آئندہ سال متوقع ہے۔ امریکا نے مقبوضہ بیت المقدس کو اسرائیل کا دارالحکومت تسلیم کرلیا یسرائیل کاٹز کا مزید کہنا تھا کہ قبلہ اول کے قریب مغربی دیوار (جسے دیوار گریہ بھی کہتے ہیں) کے قریب ریلوے اسٹیشن کو امریکا کے موجودہ صدر ڈونلڈ ٹرمپ سے موسوم کرسکتے ہیں کیونکہ انہوں نے مقبوضہ بیت المقدس کو اسرائیلی ریاست کا دارالحکومت قرار دے کر بہت بڑا کام کیا ہے۔ مقبوضہ بیت المقدس پر امریکی فیصلے کیخلاف دنیا بھر میں مظاہرے واضح رہے کہ مقبوضہ بیت المقدس کا شمار دنیا کے قدیم ترین شہروں میں ہوتا ہے اقوام متحدہ نے مسجد اقصیٰ سمیت پرانے شہر کے وسیع علاقے کو عالمی ورثہ قرار دے رکھا ہے۔