اسلامی تعلیمات کے فروغ میں مددفراہم کریں گے، روسی صدر
ماسکو(این این آئی)روسی صدر ولادیمیر پوٹن نے کہا ہے کہ ان کی حکومت روس میں اسلامی تعلیمات کے فروغ میں مددفراہم کرے گی۔میڈیارپورٹس کے مطابق روس کے جنوب مغربی شہر قازان میں مسلمان علماء کے ساتھ ہونے والی ملاقات میں صدر پوٹن نے کہا کہ دین اسلام اور اسلامی رسم وروایات روس کی ثقافت کا اٹوٹ انگحصہ ہے اور ان کی حکومت روسی مسلمانوں کو دیگر مذاہب کے ماننے والے شہریوں سے جدا نہیں سمجھتی ہے۔صدر پوٹن نے انتہاپسندی کے خلاف جدوجہد میں مسلم علماء کے کردار کو سراہتے ہوئے کہا کہ روسی حکومت اسلام کی اصل تعلیمات کے ترویج کی خاطر اسلامی لٹریچر اور تحقیق کے فروغ کے لئے بین الجامعات شراکت داری قائم کرے گی۔