خبرنامہ انٹرنیشنل

انقرہ:(ملت+اے پی پی) ترکی کے صدررجب طیب اردوان نے ایک بارپھر واضح کیاہے کہ اگرقومی اسمبلی نے سزائے موت پر عملدرآمد کو قبول کرلیا تو میں بھی اسکی منظوری دے دوں گا۔ صدر رجب طیب اردوان نے کہا ہے کہ کسی قاتل کومعاف کرنے کاحق حکومت کے پاس نہیں ہوتا، ہم معصوم انسانوں کا قتل کرنے والے ان بے حس انسانوں کی دیکھ بھال کرنے کے حق کے مالک نہیں ہیں، آنکھوں میں خون آتر آنیوالے قاتلوں کے ریورڑ باہمی تعاون کیساتھ ترکی میں حملے کررہے ہیں۔ ترک صدرضلع ازمیرکی عدالت کے سامنے گزشتہ روزہونیوالے دہشت گردحملے سے متعلق بتایا اس دوران قبضہ کردہ اسلحہ، بم اور سازوسامان دہشت گردوں کے وہاں پروسیع پیمانے پرخون خرابہ کرنے کیلیے آنے کاثبوت پیش کرتاہے، پولیس اہلکاروں کے بہادرانہ اقدام کی بدولت دہشت گردوں کو چیک پوسٹ پرروکنے کی یاددہانی کرانے والے اردوان نے وضاحت کی کہ اس طریقے سے وسیع پیمانے کی تباہی کا سدباب کیا گیا ہے۔