واشنگٹن:(اے پی پی)امریکا میں صدارتی امیدواربننےکی خواہشمند ہیلری کلنٹن الباما،ٹینےسی،جارجیا اور ورجینیا سےڈیموکریٹ پارٹی کی نامزدگی جیتنے میں کامیاب ہوگئی ہیں۔کئی دیگرریاستوں میں بھی ان کی پوزیشن مضبوط ہےجبکہ ہیلری کے حریف برنی سینڈرزاپنی ریاست ورمانٹ سےڈیموکریٹ پارٹی کی نامزدگی جیتنےمیں کامیاب رہے ہیں۔ایگزٹ پولز کےمطابق سپرٹیوزڈےکےموقع پراب یہ بات اہم نہیں ہے کہ ڈیموکریٹ پارٹی کی نامزدگی کون جیتےگابلکہ یہ بات اہم ہےکہ ہیلری کو برنی سینڈرز پر کس قدرزیادہ برتری حاصل ہوسکےگی۔امریکا میں صدارتی امیدوار بننےکے ری پبلکن خواہشمند ڈونلڈٹرمپ الباما،میساچوسس،ٹینےسی،جارجیا اورورجینیاسےپارٹی نامزدگی جیتنے میں کامیاب رہے ہیں اور کئی دیگرریاستوں میں انکی پوزیشن مستحکم ہے۔تاہم ورمونٹ میں ٹرمپ کو حریفوں سےسخت مقابلے کاسامناہے۔ری پبلکن پارٹی میں یہ دن اس لحاظ سے اہم ہے کہ آج یہ طے ہوجائے گاکہ ڈونلڈٹرمپ صدارتی امیدوار بنے توفہرست میں دوسرے نمبرپرکون ری پبلکن لیڈران کےمقابل ہوگا۔ری پبلکن امیدواروں کی تعداد زیادہ ہونے کے سبب دوسری اورتیسری پوزیشن پرری پبلکن پارٹی کےامیدواروں کوسخت مقابلےکاسامناہے۔
خبرنامہ انٹرنیشنل
امریکا:جارجیا،ورجینیاسےڈیموکریٹ پارٹی کی نامزدگی ہیلری جیت گئیں
![](http://www.millat.com/wp-content/uploads/2016/03/151023112135-hillary-clinton-benghazi-hand-large-169.jpg)