نیویارک:(آئی این پی ) امریکی ریاست میری لینڈ میں خاتون نے فائرنگ کر کے اپنی 2 بیٹیوں کو قتل اور 2 افراد کو زخمی کر دیا جب کہ پولیس کی فائرنگ سے خاتون حملہ آور بھی ہلاک ہو گئی۔ امریکی ریاست میری لینڈ کے علاقے ڈسٹرکٹ ہائٹس میں گھریلو جھگڑے پر خاتون نے فائرنگ کر کے اپنی 2 بیٹیوں کو قتل اور 2 افراد کو زخمی کردیا جب کہ پولیس کی فائرنگ سے خاتون بھی ماری گئی۔ پولیس حکام کا کہنا ہے کہ دونوں زخمیوں کو طبی امداد کے لئے اسپتال منتقل کر دیا گیا ہے جہاں ایک زخمی کی حالت تشویشناک ہے۔ واقعہ کا مقدمہ درج کر کے تحقیقات کا آغاز کردیا گیا ہے۔ چند روز قبل امریکی ریاست فلوریڈا کے شہر اورلینڈو میں بھی ایک نائٹ کلب میں فائرنگ کر کے 49 افراد کو ہلاک اور 53 کو زخمی کردیا تھا۔ اس سے قبل اپریل میں امریکی ریاست جارجیا میں بھی ایک شخص نے 2 مقامات پر فائرنگ کر کے 5 افراد کو قتل کیا تھا۔
خبرنامہ انٹرنیشنل
امریکی ریاست میری لینڈ میں فائرنگ سے 3 افراد ہلاک، 2 زخمی
![](http://www.millat.com/wp-content/uploads/2016/05/firing-in-america.jpg)