خبرنامہ انٹرنیشنل

واشنگٹن:(اے پی پی) امریکی صدر براک اوباما نے تاریخ میں پہلی بار پاکستانی نژاد امریکی مسلمان عابد قریشی کو وفاقی جج نامزد کردیا ہے۔ امریکی صدر براک اوباما نے ملکی تاریخ میں پہلی بار وفاقی جج کے لئے ایک مسلمان کو نامزد کیا ہے۔سینیٹ کی جانب سے حتمی منظوری کے بعد عابد قریشی ڈسٹرکٹ آف کولمبیا کی ڈسٹرکٹ کورٹ میں وفاقی جج کے فرائض انجام دیں گے۔ اس موقع پر امریکی صدر اوباما کا کہنا تھا کہ عابد قریشی کو نامزد کرتے ہوئے مجھے بڑی خوشی محسوس ہورہی ہے۔ انہیں یقین ہے کہ وہ دیانت داری اور انصاف کے لئے ثابت قدمی کے ساتھ امریکی عوام کی خدمت کریں گے. امریکا میں مسلم وکلا نےعابد قریشی کی نامزدگی کو سراہا ہے اور کہا ہے کہ صدر اوباما کی جانب سے ملک کی عدالیہ میں خدمات سرانجام دینے کے لیے ہر کمیونٹی سے تعلق رکھنے والے ذہین اور پیشہ ور افراد کے انتخاب کا عمل قابل تعریف ہے، عابد قریشی پاکستان میں پیدا ہوئے تھے تاہم بعد میں وہ اپنے اہل خناہ کے ہمراہ امریکا منتقل ہوگئے تھے ، انہوں نے وہیں اپنی اعلیی تعلیم مکمل کی ہے۔