واشنگٹن:(اے پی پی) بغل میں چھری،منہ میں رام رام،بھارت داعش کوہتھیاروں اوربارود کی بڑے پیمانے پر فراہمی میں ملوث نکلا۔ امریکی اخبارنے انکشاف کیاہے کہ شام میں تباہی مچانے والے بیشترہتھیار بھارتی کمپنیوں کے تیار کردہ نکلے۔امریکی اخبار وال اسٹریٹ جرنل کی چونکا دینے والی رپورٹ کے مطابق شام میں داعش جنگجوتباہی پھیلانے کیلیے بڑی تعدادمیں بھارتی اسلحہ اوربارود استعمال کر رہے ہیں۔برطانوی تحقیقاتی ادارے کے حوالے سے اخبار نے انکشاف کیاہے کہ داعش جنگجوؤں کواسلحہ بارود اور دیگر جنگی سامان فراہم کرنیوالوں میں ترکی اوربھارت پیش پیش ہیں۔ داعش کی جانب سے استعمال ہونیوالے ڈیٹونیٹر، سیفٹی فیوزاوردیگر تباہ کن ہتھیاربھارتی کمپنیوں کے تیارکردہ ہیں۔ اخبار کے مطابق داعش جنگجو شام میں 20 ممالک کی 51کمپنیوں کے ہتھیار اوردیگر جنگی سامان استعمال کررہے ہیں۔ان ممالک میں امریکا،روس،چین، برازیل، ایران، بلجیم، نیدرلینڈ اورجاپان شامل ہیں۔رپورٹ کے مطابق داعش جنگجوؤں کو13 ترک اور7بھارتی کمپنیاں جنگی آلات، دھماکا خیز مواد اور دیگر سامان سپلائی کررہی ہیں۔ بھارتی کمپنیاں اسلحہ اوربارود ترکی اورلبنان بھجواتی ہیں جہاں موجود کمپنیاں یہ سامان شام میں داعش جنگجوؤں کو سپلائی کرتی ہیں۔
خبرنامہ انٹرنیشنل
بھارت داعش کواسلحہ فراہم کرنیوالادوسرابڑاملک ہے، امریکی اخبار
![](http://www.millat.com/wp-content/uploads/2016/03/463805-daesh-1457041334-746-640x480.jpg)