خبرنامہ انٹرنیشنل

بنکاک:(ملت+آئی این پی)جنوبی تھائی لینڈ میں سیلابی ریلوں کی زد میں آکر 6 افراد ہلاک ہو گئے،خراب موسم کے باعث پروازوں کے ساتھ ساتھ ریلوے کا نظام بھی بری طرح متاثر ہوا ہے جس کے باعث ہزاروں مسافروں کو مشکلات کا سامنا کرنا پڑ رہا ہے۔غیر ملکی میڈیا کے مطابق جنوبی تھائی لینڈ میں سیلابی ریلوں کی زد میں آکر 6 افراد ہلاک ہو گئے۔ حکام نے بتایا ہے کہ شدید بارش کے نتیجے میں پیدا ہونے والی سیلابی صورتحال کے باعث ٹرانسپورٹ کے نظام کے علاوہ روزمرہ زندگی بھی بری طرح سے مفلوج ہو گئی ہے۔ مقامی میڈیا کے مطابق پروازوں کے ساتھ ساتھ ریلوے کا نظام بھی بری طرح متاثر ہوا ہے، جس کے باعث ہزاروں مسافروں کو مشکلات کا سامنا کرنا پڑ رہا ہے۔ حکام کے مطابق اس صورتحال میں امدادی کارکن اور رضا کار فعال ہو چکے ہیں اور لوگوں کو مدد پہنچائی جا رہی ہے۔