خبرنامہ انٹرنیشنل

ٹوکیو (آئی این پی )جاپان میں ایک بار پھر زلزلے کے شدید جھٹکے محسوس کئے گئے ہیں تاہم فوری طور پر کسی جانی نقصان کی اطلاع موصول نہیں ہو ئی۔غیر ملکی میڈیاکے مطابق جاپان میں زلزلے کے جھٹکے محسوس کئے گئے جس کے باعث عمارتیں لرز اٹھیں اور لوگ خو ف کے باعث باہر نکل آئے ۔امریکی جیولوجیکل حکام کا کہنا ہے کہ زلزلے کی شدت 5.2ریکارڈ کی گئی ہے جس کا مرکز جاپان کے جنوب مشرقی ساحل سے 58میل دور سمندر میں تھا تاہم ابتدائی طور پر زلزلے سے کسی جانی نقصان کی اطلاع موصول نہیں ہو ئی ۔حکام کا کہنا ہے کہ زلزلے کے باعث متعدد عمارتیں لرز گئیں اور شیشے بھی ٹو ٹ گئے تاہم کسی بڑے مالی نقصان کے بارے میں تاحال پتہ نہیں چل سکا ۔