جرمن چانسلر اینجیلا مرکل نے چوتھی مدت کے لیےعہدے کا حلف اٹھالیا
برلن:(ملت آن لائن) اینجیلا مرکل چوتھی مرتبہ جرمنی کی چانسلر منتخب ہوگئیں، انہوں نے چوتھی مدت کے لیے اپنے عہدے کا حلف اٹھالیا۔ جرمن پارلیمان نے اینجیلا مرکل کو چوتھی مدت کے لیے ملک کی چانسلر منتخب کر لیا گیا ہے، انہوں نے انتخاب کے بعد اپنے عہدے کا حلف بھی اٹھا لیا ہے۔ ایوان کے 709ارکان میں سے364 نے خفیہ بیلٹ کے ذریعے میرکل کے حق میں ووٹ دیا،309 نے ان کے خلاف ووٹ دیا اور9ارکان نے رائے شماری کے عمل میں حصہ نہیں لیا۔ میرکل نے جیت کے لیے درکار50فیصد ووٹوں سے9ووٹ زیادہ حاصل کیے جبکہ حکمران اتحاد میں شامل جماعتوں کے35ارکان نے ان کے حق میں ووٹ نہیں دیا۔ جرمنی میں ہونے والے عام انتخابات میں چانسلر انجیلا مرکل کی جماعت کرسچن ڈیمو کریٹک یونین نے 32 فیصد ووٹ حاصل کرکے برتری حاصل کی تھی۔ ایگزٹ پول کے مطابق دائیں بازو کی جماعت سوشل کریٹس 20 فیصد ووٹ حاصل کرکے انتخابات میں دوسرے نمبر پر رہی۔ یاد رہے کہ عام انتخابات کے انعقاد کے171روز کے بعد جرمن چانسلر کا انتخاب عمل میں آیا ہے، جرمنی کی جدید تاریخ میں عام انتخابات اور چانسلر کے انتخاب میں یہ طویل ترین عرصہ ہے۔
اینجلا مرکل دنیا کی سوطاقتور ترین خواتین میں سرفہرست
انجیلا مرکل سال 2005 میں پہلی مرتبہ چانسلر کے عہدے پر فائز ہوئیں۔ انہوں نے 2 مرتبہ حکومت بنانے کے لیے اپنی سب سے بڑی حریف سیاسی پارٹی ایس پی ڈی اور ایک مرتبہ لبرلزسے اتحاد کیا تھا۔