خبرنامہ انٹرنیشنل

دریائے تھیمز کے قریب جنگ عظیم دوئم کا بم دریافت، لندن ایئرپورٹ بند اور پروازیں منسوخ

لندن:(ملت آن لائن) دریائے تھیمز کے قریب جنگ عظیم دوئم کا بم دریافت ہوا، جس کے بعد لندن ایئرپورٹ بند اور پروازیں منسوخ کردی گئی جبکہ رائل نیوی اوربم ڈسپوزل اسکواڈبم ناکارہ بنانے میں مصروف ہیں۔ لندن میں دریائے تھیمز کے قریب جنگ عظیم دوئم کا بم دریافت ہوا، بم ملنے کے بعد لندن ایئرپورٹ بند اور پروازیں منسوخ کردی گئی ہے جبکہ دریائے تھیمز کا قریبی علاقہ ٹریفک کیلئے بھی بند کردیا گیا ہے۔ رائل نیوی اوربم ڈسپوزل اسکواڈبم ناکارہ بنانے میں مصروف ہیں ، رائل نیوی کو بم لندن ایئرپورٹ کے رن وے کے قریب ملا۔
جنگِ عظیم دوئم میں استعمال ہونے والا طیارہ ،دریا میں گر کر تباہ
یاد رہے کہ رواں ماہ کے آغاز میں ہی ہانگ کانگ میں دوسری جنگ عظیم کے دوران ساڑھے چار سو کلو وزن بم برآمد ہونے سے افرا تفری پھیل گئی تھی، جس کے بعد طویل آپریشن کرکے بم میں سوراخ کرکے اس کو ناکارہ بنا دیا گیا تھا۔ خیال رہے کہ دوسری جنگ عظیم کا آغاز جرمنی کے پولینڈ پر حملے سے ہوا تھا، جس کے بعد برطانیہ نے جرمنی کے خلاف اعلان جنگ کر دیا تھا ، اس جنگ میں 61 ملکوں نے حصہ لیا، جنگ سے 40 ملکوں کی سرزمین متاثر ہوئی اور لگ بھگ 5 کروڑ لوگ ہلاک ہوئے تھے۔ دوسری جنگ عظیم 1939 سے 1945 تک جاری رہی تھی اور اس دوران ہزاروں کی تعداد میں لندن پر بم گرائے گئے۔