ریاض:(اے پی پی ) سعودی عرب میں ایک کیمیکل فیکٹری میں آتشزدگی کے نتیجے میں 12افراد ہلاک ہوگئے۔ غیر ملکی میڈیا کے مطابق سعودی عرب کے مشرقی شہر جوبیل میں پٹرولیم مصنوعات بنانے والی فیکٹری میں آگ بھڑک اٹھی جس کے نتیجے میں12 افراد ہلاک ہوگئے، جوبیل کے صنعتی زون کے ترجمان عبدالرحمن کا کہنا ہے کہ فیکٹری میں آتشزدگی اس وقت ہوئی جب یہاں بحالی کا کام جاری تھا، واقعے میں ہلاک ہونے والے افراد کیمیکلز سے جھلس کر ہلاک ہوئے ہیں۔ ترجمان کا مزید کہنا تھا کہ واقعے میں فیکٹری کے11 ملازمین زخمی بھی ہوئے جن میں سے6 کی حالت انتہائی تشویشناک بتائی جا رہی ہے، خیال رہے کہ سعودی عرب سمیت دیگر خلیجی ممالک میں بیشتر صنعتی لیبر غیر ملکی ہے۔
خبرنامہ انٹرنیشنل
سعودی عرب میں کیمیکل فیکٹری میں آتشزدگی سے 12 افراد ہلاک
![](http://www.millat.com/wp-content/uploads/2016/04/493447-FactoryFireWeb-1460949713-209-640x480.jpg)