خبرنامہ انٹرنیشنل

دمشق: (اے پی پی) شام کے شہر عدلیب کے علاقے سراقب پر فضائی حملے میں گیارہ افراد جان کی بازی ہار گئے۔ مرنے والوں میں دو بچے اور دو خواتین بھی شامل ہیں۔ حلب کے علاقے زہرہ المدین میں فضائی کارروائی کے دوران بھی دو بچے اور دو خواتین ہلاک ہو گئیں جبکہ شامی شہر راستان اور حمص میں جیٹ طیاروں کی بمباری سے ایک بچہ دم توڑ گیا۔ فضائی کارروائیوں کے بعد امدادی کارکن تباہ ہونے والی عمارتوں کے ملبے تلے دبے شہریوں کو نکالنے میں مصروف ہیں۔ بمباری کی زد میں آ کر کئی رہائشی عمارتیں بھی ملبے کا ڈھیر بن گئی ہیں۔