خبرنامہ انٹرنیشنل

پیرس :(اے پی پی) فرانس کے ایک بار میں پارٹی کے دوران آتشزدگی کے واقعہ میں 13 افراد ہلاک اور چھ زخمی ہوگئے۔ فرانسیسی میڈیا کے مطابق یہ واقع شمالی فرانس کے شہر روئین میں اس وقت پیش آیا جب ایک مقامی بار میں سالگرہ کی تقریب جاری تھی کہ اس دوران موم بتیاں جلانے کے دوران آگ بھڑک اٹھی ۔ حکام نے بتایا کہ پارٹی جمعہ اور ہفتہ کی درمیانی شب جاری تھی اور آتشزدگی کے نتیجے میں پلاسٹک کے جلنے سے زہریلی گیس کے اخراج کے باعث ہلاکتیں ہوئیں۔ حکام کے مطابق واقعہ میں 13 افراد ہلاک اور 6 زخمی ہوگئے۔ واقعہ کے بعد فائر بریگیڈ کے حکام اور امدادی کارکن موقع پر پہنچ گئے اور انہوں نے آگ بجھانے کی کارروائی کی اور زخمیوں کو ہسپتال منتقل کیا۔