فرانسیسی عدالت کا سابق صدر نکولس سرکوزی پر مقدمہ چلانے کا حکم
پیرس:(ملت آن لائن) فرانسیسی عدالت نے سابق صدر نکولس سرکوزی پر مقدمہ چلانے کا حکم دے دیا۔ فرانس کے سابق صدر نکولس سرکوزی کو رواں ماہ 20 مارچ کو گرفتار کیا گیا تھا نکولس سرکوزی کے خلاف پولیس کی چارج شیٹ میں کرپشن اور اور اختیارات کے ناجائز استعمال کے الزامات شامل ہیں۔ فرانس کے سابق صدر نکولس سرکوزی کو گرفتار کرلیا گیا اس کے علاوہ سرکوزی پر 2007 کے صدارتی انتخابات میں لیبیا کے سابق ڈکٹیٹر کرنل معمر قذافی سے فنڈز لینے کا بھی الزام ہے۔ تاہم کمرہ عدالت میں سابق صدر نکولس سرکوزی نے تمام الزامات سے انکار کرتے ہوئے اس امید کا اظہار کیا کہ ان کے خلاف تمام کیسز خارج ہوجائیں گے۔ 63 سالہ نکولس سرکوزی کے وکیل نے اپنے بیان میں کہا کہ ان کے موکل کی اپیل 25 جون کو سنی جائے گی اور انہیں یقین ہے کہ ایک مرتبہ پھر سچ سب کے سامنے آجائے گا۔ واضح رہے کہ نکولس سرکوزی 2007 سے 2012 کے دوران فرانس کے صدر رہے۔ جولائی 2014 میں بھی نکولس سرکوزی کو مبینہ طور پر اپنے اثر و رسوخ کے استعمال کے الزام میں حراست میں لے کر ان سے باقاعدہ تفتیش کی گئی تھی۔