واشنگٹن: (ملت+آ ئی این پی )امریکی ارب پتی فلاحی کارکن اور ٹیکنالوجی کمپنی مائیکروسافٹ کے شریک بانی بل گیٹس نے کہا ہے کہ اس وقت دنیا میں صحتِ عامہ کے مختلف نظاموں میں تیزی سے پھیلنے والی کسی مہلک وبا کا مقابلہ کرنے کی صلاحیت نہیں ہے اگرچہمیں پر امید ہوں وقت کے ساتھ ساتھ عالمی سطح پر وباؤں کا مقابلہ کرنے کی صلاحیت میں اضافہ ہوگا ہیانہوں نے کہا فی الحال ہم قدرے غیر محفوظ ہیں۔بل گیٹسنے کہا ماضی قریب میں ایبولا اور زکا وائرس کے پھیلنے سے جو ہنگامی صورتحال پیدا ہوئی، اس سے عالمی سطح پر نئی ادویات اور ویکسینز بنانے کی صلاحیت کی کمزوری رونما ہوگئی ہے۔ اس بات سے تھوڑے پریشان رہتا ہوں اور یہ امید کرتا ہوں کہ آئندہ دس سالوں میں کوئی بڑی وبا دنیا میں نہ آجائے۔انھوں نے کہا اس وقت دنیا بھر میں یہ بحث جاری ہے کہ ہنگامی صورتحال میں تنظیمی اور قانونی حدود کی وجہ سے ہمارے ردِعمل میں آنے والی رکاوٹوں کو کیسے ہٹایا جا سکتا ہے۔یاد رہے کہ بل گیٹس ٹیکنالوجی کمپنی مائیکروسافٹ کے شریک بانی اور ونڈوز آپریٹنگ سسٹم کے بانی ہیں۔ وہ دنیا کی امیر ترین شخصیات میں سے ایک ہیں۔ گذشتہ کئی سالوں میں انھوں نے مائیکروسافٹ میں اپنے کردار کو وقت کے ساتھ ساتھ کم کرتے ہوئے اپنی توجہ فلاحی کاموں پر مرکوز رکھی ہے۔ وہ اور ان کی بیوی بل اینڈ ملینڈا گیٹس فاؤنڈیشن نامی فلاحی تنظیم چلاتے ہیں۔ اس تنظیم کے اہم ترین پروگراموں میں غریب ممالک میں بیماریوں کے خلاف ویکسینز تقسیم کرنا شامل ہے
خبرنامہ انٹرنیشنل
فی الحال ہم غیر محفوظ ہیں؛ بل گیٹس
![](http://www.millat.com/wp-content/uploads/2016/12/560ece1c3e543.jpg)