خبرنامہ انٹرنیشنل

میں اسمارٹ نہیں جینیئس ہوں‘ ڈونلڈ ٹرمپ

واشنگٹن:(ملت آن لائن)میں اسمارٹ نہیں جینیئس ہوں‘ ڈونلڈ ٹرمپ، امریکی صدر ڈونلڈ ٹرمپ نے اپنی صحت پرظاہر کیے جانے والے شہبات کومسترد کرتے ہوئے کہا کہ میں احمق نہیں بلکہ ہمیشہ سے حاضردماع اور ذہین ہوں۔ امریکی صدر ڈونلڈٹرمپ نے اپنی ذہنی صلاحیت سے متعلق ٹویٹرپراپنے پیغام میں کہا میں دماغی صلاحیتوں میں استحکام اور حاضردماغی میری پوری زندگی کے دو عظیم اثاثے ہیں، چالاک ہیلری کلنٹن نے ان کارڈز کا بھرپور استعمال کیا۔ انہوں نے کہا کہ میں بہترین کالج میں گیا، میں بہترین طالب علم تھا، وہاں سےفراغت کے بعد میں نےاربوں ڈالرکمائے، بہترین تاجروں میں شمار ہوا، ٹی کے شعبے میں گیا جہاں 10 سالوں تک زبردست کامیابی سے ہمکنار ہوا جیسا کہ آپ سب نے سنا ہوگا۔ امریکی صدر ڈونلڈٹرمپ نے کہا کہ میراخیال ہے کہ میں صرف ایک حاضردماغ انسان نہیں بلکہ ذہین ترین شخص کہلانے کے لائق ہوں۔ خیال رہے کہ ڈونلڈٹرمپ کے حوالے سے امریکی صحافی مائیکل وولف نے فائراینڈفیوری کے نام سے کتاب تحریر کی ہے جس میں انہوں نے ٹرمپ کو مضحکہ خیز اور احمق آدمی قرار دیا ہے جو اپنے ملازموں پرشک کرتا ہے اور ہروقت چیختا جلاتا ہے۔