خبرنامہ انٹرنیشنل

نیویارک(آئی این پی )امریکا میں صدارتی امیدوار بننے کے ری پبلکن خواہش مند ڈونلڈ ٹرمپ نے 10ارب ڈالرسے زائدمالیت کے اثاثے ظاہر کر دیئے مگرٹیکس گوشواروں کااب بھی نہیں بتایا،ٹرمپ کا کہنا ہے کہپیانگ یانگ کے جوہری پروگرام پر بات کرنے کے لیے شمالی کوریا کے قائد سے ملنے کے لیے تیار ہوں،ہلیری کلنٹن نے ٹرمپ کے بیان کی مذمت کرتے ہوئے اسے بھونڈا قرار دے دیا۔غیر ملکی میڈیا کے مطابق ری پبلکن خواہش مند ڈونلڈ ٹرمپ نے 10ارب ڈالرسے زائدمالیت کے اثاثے ظاہر کر دیئے ہیں ۔ پچھلے برس جاری کی گئی معلومات سے مختلف نہیں ۔ تاہم ڈیموکریٹس اورخوداپنی بھی پارٹی کے رہنماوں کے مطالبات کیباوجودٹرمپ نے انکم ٹیکس کے گوشوارے ظاہر نہیں کیے ۔مخالفین کا الزام ہے کہ ٹرمپ دولت چھپا رہے ہیں اور اصل اثاثوں کا اندازہ انکم ٹیکس گوشوارے سامنے آنے سے ہوگا۔اوباماپالیسی کے برعکس ڈوونلڈ ٹرمپ کا کہنا ہے کہ اگر وہ صدر بنے تو شمالی کوریا کے سربراہ کم جونگ ان سے بالمشافہ ملاقات اور براہ راست بات چیت کریں گے۔ایک انٹرویومیں ٹرمپ نے یوکرائن میں روسی اقدامات کی مخالفت کی اورماحولی آلودگی سے متعلق پیرس معاہدے پر بھی ازسرنومذاکرات پرزوردیا۔دوسری جانب ڈیموکریٹک صدارتی امیدوار ہلیری کلنٹن کا کہنا ہے ٹرمپ کا بیان قابل مذمت ہے، ٹرمپ کی خارجہ پالیسی کا کوئی مطلب نہیں ہے۔