چین دہشت گردی کے خلاف پاکستان کی حمایت جاری رکھے گا
بیجنگ(ملت آن لائن) چین نے ایک بار پھر اس عزم کو دہرایا ہے کہ وہ دہشتگردی کے خلاف پاکستان کی حمایت جاری رکھے گا۔مالی معاملات کو پاکستان کے خلاف سیاسی دبائو کے طور پر استعمال کرنے کی مخالفت کرتے ہیں۔پاکستان ہمارا سدابہار دوست ہے۔ چین اور پاکستان دہشتگردی کے خلاف تعاون اور رابطے کو مزید مضبوط بنانے کا کام جاری رکھیں گے۔پاکستان اور چین کے درمیان سیاسی اعتماد ناقابل شکست ہے۔ اور نہ ہی کوئی کوشش چین اورپاکستان کے تعلقات کو ختم کرسکتی ہے۔ ہم بین الاقوامی برادری پر زور دیتے ہیں کہ وہ دہشتگردی کے خلاف پاکستان پر الزام لگانے کے بجائے پاکستانی کوششوں کے ساتھ منصفانہ اور غیر جانبدرانہ سلوک کرے۔ان خیالات کا اظہار چینی وزارت خارجہ کے ترجمان گینگ شوانگ نے اپنی ہفتہ ور بریفنگ کے دوران کیا۔انہوں نے کہا کہ پاکستانی حکومت اور عوام نے دہشتگردی کے خلاف زبردست کوششیں کی ہیں اورانہوں نے بین الاقوامی دہشتگردی کی وجوہات روکنے کے خاتمے کے لیے عظیم قربانیاں دی ہیں۔انہوں نے کہا کہ یہ سوال اس لیے پیدا ہوتا ہے۔پاکستان نے حالیہ برسوں کے دوران مالیاتی نگرانی مضبوط بنانے کے لیے کئی فعال اقدام کیے ہیں۔ اور دہشتگردوں کو ملنے والے سرمایے کے خلاف کریک ڈائون کیا ہے اوراس میں نمایاں کامیابی حاصل کی ہے۔ اس لیے تمام فریقین کو دہشتگردی کے خلاف پاکستانی کوششوں کو کھلے دل کے ساتھ تسلیم کرنا چاہیے اور پاکستان پر الزام تراشی نہیں کرنی چاہیے۔ہم فنڈز کو پاکستان پردبائو کے لیے سیاسی اقدام کے طور پر استعمال کرنے کے بھی مخالف ہیں۔ ترجمان نے مزید کہا کہ پاکستان ہمارا سدابہار دوست ہے۔ چین اور پاکستان دہشتگردی کے خلاف تعاون اور رابطے کو مزید مضبوط بنانے کا کام جاری رکھیں گے۔ پاکستان اور چین کے درمیان سیاسی اعتماد ناقابل شکست ہے۔ اور نا ہی کوئی کوشش چین اورپاکستان کے تعلقات کو ختم کرسکتی ہے۔