خبرنامہ انٹرنیشنل

کیلیفورنیا (اے پی پی) امریکی ریاست کیلیفورنیا کے جنگل میں لگی آگ سے ایک سو پچھتر رہائشی اور تجارتی عمارتیں جل گئیں ، آگ مزید پھیلتی جا رہی ہے ۔ کیلی فورنیا کے شمالی علاقے میں جنگل میں لگی آگ بے قابو ہوگئی ، آگ کی وجہ سے ایک سو پچھتر عمارتیں جل گئیں جبکہ مزید پندرہ سو کو خطرہ ہے ۔ آگ کی وجہ سے کسی جانی نقصان کی اطلا ع نہیں ملی ۔ آگ چار ہزار ایکڑ تک پھیل چکی ہے ۔ امریکا میں اس وقت چوبیس مقامات پر جنگل میں آگ لگی ہے جس نے مجموعی طور پر تین لاکھ ایکڑ رقبے کو لپیٹا ہوا ہے ۔ سیکڑوں فائر فائٹرز ، ہیلی کاپٹرز اور دیگر مشینری کی مدد سے آگ پر قابو پانے کی کوشش کی جا رہی ہے ۔