واشنگٹن:(اے پی پی)امریکی صدر باراک اوباما کی جانب سے بدنام زمانہ گوانتاناموبے کو بند کرنے کے فیصلے کے بعد قیدیوں کی منتقلی کا معاملہ متنازع ہوگیا،کئی ممالک نے قیدیوں کو قبول کرنے سے انکار کردیا۔ گوانتاناموبے بند کرنے کے اعلان کے ساتھ دنیا کے متعدد ممالک سے تعلق رکھنے والے قیدیوں کو کوئی ملک قبول کرنے کیلئے تیار نہیں۔ امریکا میں ان قیدیوں کے حوالے سے قانونی جنگ کا آغاز ہونے والا ہے،قانونی ماہرین کا کہنا ہے کہ گوانتانامو بے کے تمام قیدیوں کو براعظم امریکا میں رکھنا لازمی ہے، جبکہ اوباما انتظامیہ نے قیدیوں کی پہلی کھیپ سعودی عرب بھیج دی ہے۔ گوانتانامو بے کے تمام تر قیدی اپنے آبائے ممالک کی شہریت سے محروم ہو چکے ہیں،ان قیدیوں کی اکثریت عرب ممالک سے تعلق رکھتی ہے۔
خبرنامہ انٹرنیشنل
گوانتاناموبے کے قیدیوں کی منتقلی کا معاملہ متنازع ہوگیا
![](http://www.millat.com/wp-content/uploads/2016/04/prisoners00000000000.jpg)