خبرنامہ انٹرنیشنل

بھارت:(اے پی پی) بھارت کے نیشنل کرائم ریکارڈ بیورو (این سی آر بی) کے اعداد وشمار کے مطابق 2015 کے دوران ملک بھر میں جنسی زیادتی کے 34 ہزار 600 واقعات جبکہ جنسی حملوں کے 1لاکھ 30 ہزار کیس درج کیے گئے جبکہ صرف نئی دہلی میں یومیہ 6 خواتین ریپ کا شکار ہوئی ہیں۔ بھارت کے نیشنل کرائم ریکارڈ بیورو کے مطابق سن 2014 کے مقابلے میں سن 2015 میں جنسی زیادتی کا نشانہ بننے والی خواتین کی تعداد میں 950 کا اضافہ ہوا ہے۔ بھارتی اخبار انڈین ایکسپریس نے اس رپورٹ کے حوالے سے بتایا کہ بھارتی دار الحکومت نئی دہلی خواتین کے لیے سب سے زیادہ غیر محفوظ قرار دیا گیا ہے، جہاں گزشتہ برس خواتین کے خلاف جنسی حملوں کے 9 ہزار 100کیس ریکارڈ کیے گئے۔ ان میں 2 ہزار 200 ایسی خواتین بھی شامل ہیں، جنہیں جنسی زیادتی کا نشانہ بنایا گیا تھا۔ یوں گزشتہ برس نئی دہلی میں اوسطاً ہر دن 6 خواتین کو رَیپ کیا گیا۔