لاہور: (ملت+اے پی پی) مقبوضہ کشمیر میں بھارتی سورماؤں نے اپنا مکروہ چہرہ ایک بار پھر بے نقاب کر دیا۔ عید میلاد النبی ﷺ کے موقع پر مقبوضہ کشمیر میں قابض بھارتی فورسز نے حریت رہنماؤں کو سیرت کانفرنس کے انعقاد سے روک دیا۔ مقبضہ کشمیر میں مسلمانوں کے انسانی حقوق کے ساتھ ساتھ مذہبی حقوق بھی سلب کر لیے گئے۔ دوسرے مذہبی تہواروں کی طرح بھارتی قابض فورسز نے مقوضہ کشمیر میں عید میلاد النبی ﷺ منانے کی بھی اجازت نہ دی۔ حریت رہنماؤں یاسین ملک اور میر واعظ عمر فاروق کو سیرت کانفرنس میں شرکت سے روک دیا۔ سیرت کانفرنس حریت رہنما سید علی گیلانی کی رہائشگاہ پر منعقد کی جانا تھی۔ اس موقع پر ان کی رہائشگاہ کے باہر پولیس کی بھاری نفری تعینات رہی۔
خبرنامہ کشمیر
بھارتی فورسز نے حریت رہنماؤں کو سیرت کانفرنس کے انعقاد سے روک دیا
![](http://www.millat.com/wp-content/uploads/2016/12/365058_98413491.jpg)